Бөтә дауаханалар ҙа эшләй

Республикала бөтә медицина ойошмалары, шул иҫәптән уларҙың техник хеҙмәттәре лә эшләй, тип аныҡлап яҙа Башҡортостан Һаулыҡ һаҡлау министрлығының матбуғат хеҙмәте. Планлаштырылған операциялар күсерелмәй. Ләкин кеше алдағы ике аҙнала сит илдә булһа, йәки сит илдән ҡайтыусылар менән аралашһа, операцияны кисектереү хаҡындағы мәсьәлә ҡаралыуы мөмкин.

Үҙ аллы изоляцияға киткән кешеләр ашығыс медицина ярҙамы саҡырта икән, ул билдәләнгән нормативтарға ярашлы, йәғни ике сәғәт эсендә килеп етәсәк.