Билдәле булыуынса, ил етәксеһе үҙенең Федераль Йыйылышҡа мөрәжәғәтнамәһендә 2020 йылдың 1 ғинуарынан өс йәштән ете йәшкә тиклемге балаларға ай һайын бирелә торған түләүҙәр индерелеүе хаҡында белдергәйне. Пособие ғаилә килеме йән аҫырау өсөн бер кешегә иң түбән сығымдар кимәленән аҙ булған осраҡта билдәләнә. Яңы закон уны түләй башлауҙы ябайлаштыра һәм граждандар өсөн ҡулай тәртип булдыра.