Һөнәре булған эшләр

Ләкин ни ғәләмәт, дарыуханаларҙа ул тәү сиратта юҡҡа сыҡты һәм уны етештереүҙе республикала билдәле предприятиелар башланы. Шуға ҡарамаҫтан, киң даирә кешеләр был битлектәрҙе ҡайҙа һатып алырға белмәй.

Ә бына Өфө ҡалаһында йәшәүсе Гүзәл Айытҡоловаға үҙенең тәүге һөнәрен - тегенсе булып эшләгән сағын - хәтергә төшөрөргә тура килгән. Ишембай ҡалаһының 2-се башҡорт гимназия-интернатында белем алғанда, юғары класс ҡыҙҙары өҫтәлмә рәүештә эшсе һөнәре үҙләштерә. Улар барыһы ла тегенсе булып сыға. Профессиональ училищенан килеп ҡыҙҙарҙан имтихан алалар, танытма бирәләр.

Ошо һөнәр юҡ-юҡта Гүзәлгә гел ярҙамға килә. Ул туғандарының һорауы буйынса ҡорғандар ҙа тегеп бирә, өҫ кейемен йүнәтә, балаларына ваҡ-төйәк тегеп кейҙерә.

Ошо көндәрҙә уға битлектәр тегеп биреүҙе һорап мөрәжәғәт итәләр. Яҡындары өсөн тегә башлаған заказдар бермә-бер артып китә.

- Ательеларҙа, туҡыма һатҡан сауҙа нөктәләрендә тауарҙар бөтә башланы. Ахыры ҡулы белгән тегенселәрҙең барыһы ла бөгөн ошо эш менән мәшғүл, – ти Гүзәл.

Әле йәш ҡатын матурлыҡ салонында эшләүсе туғанынан заказ алған. Шулай уҡ һораусылар көндән-көн күбәйә бара: "Кешеләрҙең дарыуханаларҙа битлек булмауына зарланғанын ишетеп тегә башлаған әйберҙәр шулай иғтияж менән файҙаланыр, тип уйламаным да”, – ти ул.

Был иһә һөнәрле кеше ҡайҙа ла юғалып ҡалмаҫ, тигәнгә ишара.