Мәжит Ғафуриҙың тыуыуына 140 йыл

Башҡортостан Башлығы Радий Хәбиров 2020 йылда халыҡ шағиры Мәжит Ғафуриҙың тыуыуына 140 йыл тулыу айҡанлы байрам саралары тураһындағы Указға ҡул ҡуйҙы. Документҡа ярашлы, билдәле датаны үткәреү буйынса ойоштороу комитеты төҙөләсәк.

Башҡортостан Башлығы Радий Хәбиров 2020 йылда халыҡ шағиры Мәжит Ғафуриҙың тыуыуына 140 йыл тулыу айҡанлы байрам саралары тураһындағы Указға ҡул ҡуйҙы. Документҡа ярашлы, билдәле датаны үткәреү буйынса ойоштороу комитеты төҙөләсәк.

Совет башҡорт әҙәбиәтенең классигы булып иҫәпләнгән Мәжит Ғафуриҙың исеме республикала тотош бер районға бирелгән, Өфөлә уның исемендәге парк бар, шулай уҡ Башҡорт академия драма театры ла халыҡ шағирының исемен йөрөтә.

Әҙип хәҙерге Ғафури районында, ауыл мөғәллиме ғаиләһендә тыуып үҫкән. Бик иртә етем ҡала, йәштән миҙгелле эштәргә егелеп эшләй. Тәү белемен ауыл мәҙрәсәһендә ала. Һуңынан Троицкиҙың билдәле - “Рәсүлиә”, Ҡаҙандың - “Мөхәмәҙиә” һәм Өфөнөң “Ғәлиә” мәҙрәсәләрендә уҡый. Шағирҙың тәүге ижады бер яҡтан дин фанатизмына ҡаршы булһа, икенсенән, ул осорҙағы ябай кешеләрҙең фәҡир тормошон һүрәтләүе лә беҙҙе әсе хәҡиҡәткә алып ҡайта. Ярлы һәм бай араһындағы ҙур айырманың булыуы, айырыуса балаларҙы йәлләү тойғоһо уның һәр шиғырында һәм әҫәрендә ярылып ята. Ғафуриҙың “Фәҡирлектә үткән тереклек” тигән әҫәрен, ундағы яҙмыштарҙы әлә лә тыныс ҡына уҡып булмай.

Совет йылдарында Мәжит Ғафури Башҡортостанда автономия баҫмаларын юлға һалыу менән шөғөлләнә. Уның билдәле”Ҡара йөҙҙәр”, “Шағирҙың алтын приискыһында” әҫәрҙәре совет осоронда башҡорт прозаһына нигеҙ һала. Мәжит Ғафури республикала әҙиптәрҙән беренсе булып халыҡ шағиры тигән юғары исемгә лайыҡ була.

Фото “Башинформ” мәғлүмәт агентлығынан алынды.

Автор:Гөлнур Ишбулатова

Читайте нас: