-11 °С
Болотло
Антитеррор
Бөтә яңылыҡтар
Новости
24 Март 2020, 18:13

Өс кешелә коронавирус асыҡланған

Рәсәй ҡулланыусыларҙың хоҡуҡтарын күҙәтеү хеҙмәтенең БР буйынса идаралығы вәкиле Нәсимә Күсимова әйтеүенсә, коронавирус Дүртөйлөлә йәшәүсе илле йәшлек ханымда һәм уның ҡыҙында асыҡланған. Улар 14 мартта Европанан турҙан ҡайтҡан. Вирус табылған өсөнсө ауырыу – 1951 йылғы Өфө кешеһе.

“Республикала бөгөнгө көнгә коронавирус булыу-булмауына 2084 анализ тикшерелгән. Шик тыуған саҡта анализ икешәр тапҡыр алына, 470 анализ икенсегә алынып ҡаралған”, – тип белдерҙе коронавирус мәсьәләһенә арналған брифингта Башҡортостан Республикаһы Гигиена һәм эпидемиология үҙәгенең баш табибы Анна Казак.
Ҡыҙғанысҡа ҡаршы, өс кешелә ыңғай һөҙөмтә раҫланған һәм уларға “коронавирус инфекцияһы” диагнозы ҡуйылған. “Улар ҡаланың инфекция дауаханаһында, бөтә шарттар булған бокстарҙа тикшерелә һәм дауалана”, – тине һаулыҡ һаҡлау министры Максим Забелин.
Рәсәй ҡулланыусыларҙың хоҡуҡтарын күҙәтеү хеҙмәтенең БР буйынса идаралығы вәкиле Нәсимә Күсимова әйтеүенсә, коронавирус Дүртөйлөлә йәшәүсе илле йәшлек ханымда һәм уның ҡыҙында асыҡланған. Улар 14 мартта Европанан турҙан ҡайтҡан. Вирус табылған өсөнсө ауырыу – 1951 йылғы Өфө кешеһе. Ул эш буйынса Мәскәүгә йыш барған. Тәүҙә амбулатор шарттарҙа дауаланып, дауаханаға ятыуҙан баш тартҡан булған. Әммә өс тапҡыр тест үтеү коронавирус диагнозын раҫлаған.
Ауырыуҙарҙың кемдәр менән аралашыуы билдәле һәм был кешеләрҙең барыһы ла тикшерелә.
Бөгөнгө көнгә республика дауаханаларында коронавирусҡа шик булған 63 кешенең һаулығы күҙәтелә. Шуларҙың алтауһы – балалар.

Фото "Башинформ"дан алынды.

Автор:Альмира Кирәева
Читайте нас в