Благовар районының – Үҙәк, Дүртөйлө районының – Әсән ауылы, Туймазы районының – Ҡандры ауылы китапханалары “Мәҙәниәт” милли проекты сиктәрендә “Мәҙәни мөхит” проектында ҡатнашты һәм Рәсәй Мәҙәниәт министрлығы тарафынан хуплау тапҡан.
Атап үтелгән мәҙәниәт усаҡтары быйыл модель китапханалар булдырыу өсөн федераль ҡаҙнанан 20 миллион һум аҡса аласаҡ. Китапханаға килеүселәр фәнни, матур әҙәбиәт буйынса йә баҫма матбуғаттың һанлаштырылған ресурстарына инеү мөмкинлегенә эйә буласаҡ. Ҡулланыусыларға шәп тиҙлектәге интернет һәм Милли электрон китапханаға инеү мөмкинлеге лә асыла.