Сибай ҡалаһында һөт фабрикаһы – һөт кухняһы эшләй башланы. Совет заманындағы бик матур ғәмәлде: бәпестәрҙе махсус һөт ризыҡтары менән тәьмин итеүҙе иҫкә төшөрөп, Башҡортостан Башлығы Радий Хәбиров һөт кухняларын тергеҙеү хаҡында ҡарар сығарғайны. Йыл эсендә улар дүрт ҡалала – Стәрлетамаҡ, Нефтекама, Белорет, Октябрьскийҙа асылды. Сибайҙағыһы – бишенсеһе. Республикала улар һаны етегә етергә тейеш.