Президент премияһы лауреаттары иғлан ителде

Премияға психология фәндәре докторы, М.В. Ломоносов исемендәге Мәскәү дәүләт университеты психология факультетының белем биреү психологияһы һәм педагогика кафедраһы мөдире Александр Веракса, физика-математика фәндәре докторы, ИТМО милли тикшеренеү университеты физика-техника факультетының баш фәнни хеҙмәткәре Сергей Макаров, биология фәндәре кандидаты, РФ Һаулыҡ һаҡлау министрлығының Волга буйы тикшеренеү медицина университетының эксперименталь онкология һәм биомедицина технологиялары фәнни-тикшеренеү институтының фән буйынса директор урынбаҫары Марина Ширмановалар лайыҡ булды.

Фән һәм инновациялар өлкәһендә Рәсәй Федерацияһы Президенты премияһы 2008 йылдан алып фән үҫешенә өлөш индергән, иҡтисад һәм социаль өлкәнең инновацион үҫешен тәьмин иткән яңы техника һәм технологиялар өлгөләрен булдырған, шулай уҡ оборона һәләтен нығытыуға өлөш индергән өсөн йәш ғалимдарға йыл һайын тапшырыла.