Бала - бәхет

Республикала “Башҡортостан балалары – бәхет” тип аталған кампания старт алды. Ул бала табыу кешенең үҙе, милләт, республика һәм дәүләт өсөн ни тиклем мөһим булыуын аңлатыу бурысын ҡуя. Бөгөн Рәсәй демографик “соҡор” осорон кисерә. Был – һуғыш йылдарында тыуымдың ҡырҡа кәмеүе, шул быуын вәкилдәре 60-сы йылдар аҙағында, 70-се йылдар башында ғүмер биргән балаларҙың аҙ булыуы һәм үҙ сиратынды 90-сы йылдарҙа ейән-ейәнсәрҙәренең тыумай ҡалыуының эҙемтәһе. Киҫкен был проблеманы ғаиләләрҙең күп балалы булыуы хәл итә алыр ине.