Ашығыс медицина ярҙамы хеҙмәте тиҙ эшләйәсәк

Өфө Берҙәм ашығыс медицина ярҙамы диспетчер үҙәге Өфө ҡалыһы һәм Өфө районынан шылтыратыуҙар ҡабул итә. Бер сменала 15 диспетчер эшләй. Ашығыс медицина ярҙамы станцияһының баш табибы Аяз Камаловтың белдереүенсә, хеҙмәтләндереү биләмәһен киңәйтеү ҡарала. Киләһе йылдан Өфө диспетчер үҙәге республикала ҡаралған туғыҙ медицина округтарының береһенән – Өфө округынан – мөрәжәғәттәр ҡабул итәсәк. Округ үҙ эсенә 16 муниципаль берәмекте ала.