Ауырыуҙы юлда уҡ дауалай башлайҙар

“Һаулыҡ һаҡлау” федераль милли проекты сиктәрендә республика медицина ойошмаларының техника паркын тулыландырыу дауам итә. Ошо көндәрҙә Республика балалар клиник дауаханаһына, Дыуан, Бәләбәй, Белорет райондарының, Нефтекама, Сибай, Күмертау, Октябрьский ҡалаларының һаулыҡ һаҡлау ойошмаларына һәм Стәрлетамаҡ ҡалаһының санитар автотранспорт предприятиеһына “Ford Transit” маркалы ашығыс медицина ярҙамы машиналары – реанимобилдәр – тапшырылды.