Газондар, тротуарҙар, матур ҡоймалар, яҡты урамдар...

Билдәле булыуынса, Башҡортостан Башлығы Радий Хәбировтың 17 октябрҙә сыҡҡан Указына ярашлы 2020 йыл республикала Тораҡ пункттар эстетикаһы йылы (Год эстетики населённых пунктов) тип иғлан ителде. Уны тормошҡа ашырыу йәһәтенән Торлаҡ-коммуналь хужалығы министрлығы башҡарыласаҡ эштәр параметрҙарын билдәләне.

Бөгөнгө көндә министрлыҡта проектты бойомға ашырыу план-графигы әҙерләнә. Хөкүмәт рәйесе урынбаҫары, торлаҡ-коммуналь хужалығы министры Борис Беляев белдереүенсә, дүрт төп йүнәлешкә өҫтөнлөк биреләсәк: газондар сәсеү, тротуарҙарҙы тәртипкә килтереү, урамдарҙы яҡтыртыу, ҡоймалар ҡуйыу. Был саралар “Торлаҡ һәм ҡала мөхите” милли проектын тормошҡа ашырыуҙа алға ҙур аҙым буласаҡ.

#национальныепроекты #региональныепроекты #нацпроектыБашкортостан