“Махсусавтохужалыҡ” предприятиеһына яңы техника тапшырылды

Өфө ҡала хакимиәте “Isuzu” маркалы һигеҙ сүп-сар сығарыу машинаһы һатып алды һәм уларҙы “Махсусавтохужалыҡ” МУП-ына тапшырҙы. Ҙур булмаған был машиналар тар тыҡрыҡтарҙан, йорт алдарынан тотҡарлыҡһыҙ үтә ала. 8 кубометр сүп-сар һыйҙырышлы, бер юлы 45 контейнерҙы бушата. Йәғни “ЗИЛ” маркалы ике машинаны алмаштыра. Аҙ яғыулыҡ тотоноуы менән дә отошло.