"Һеҙ ҡайһы кандидат өсөн тауыш бирҙегеҙ?

"Һеҙ ҡайһы кандидат өсөн тауыш бирҙегеҙ?" Республикала һайлау көнөндә участкаларға тауыш бирергә килгән 33 мең кешегә шундай һорау бирәләр. Социологик һорау алыуҙы йәмәғәтселек фекерен өйрәнеүсе ике үҙәк, БР Мәҙәниәт министрлығы эргәһендәге "Этносәйәси тикшеренеүҙәр үҙәге" үткәрә. Йәмәғәт матбуғат үҙәгендә эксперттар Рөстәм Латипов, Юлия Веселухина, Владимир Савичев уның дөйөмләштерелгән һөҙөмтәләре тураһында һөйләне. Кешеләрҙең байтағы яуап биреүҙән баш тартҡан икән. Ә тикшеренеүҙә ҡатнашыусыларҙың 52 проценты "Берҙәм Рәсәй" партияһы, 21 проценты - коммунистар, 10 проценты - ЛДПР, 8 проценты - "Ғәҙел Рәсәй", 5 проценты - "Рәсәй патриоттары", 2,5 проценты "йәшелдәр" өсөн тауыш биреүен әйтә. Тауыш биреүселәрҙең 1, 5 проценты бюллетендәрҙе боҙған булып сыға.

#республикатвоихвозможностей #ВыбирайБашкортостан