Электрон урналар һаны йылдан-йыл арта бара

Йәмәғәт матбуғат үҙәгендә Светлана Рафат ҡыҙы Парфенова менән Константин Александрович Кузьминых сығыш яһаны. Улар КОИБ (һайлау бюллетендәрен эшкәртеү комплексы), халыҡсан тел менән әйткәндә, электрон урналар тураһында һөйләне. Был ҡоролмалар һайлауҙың сифатын да күтәрер, унда ҡатнашыусыларҙың һанын да арттырыр, тип көтөлә. Шулай уҡ халыҡтың һайлауға ышанысын күтәрер, тип һанай эксперттар. Һәр электрон урна янында көн дауамында оператор тора, был бигерәк тә тәүгә һайлауҙа ҡатнашҡандарға һәм мөмкинлектәре сикләнгән һайлаусыларға уңайлы буласаҡ.

#республикатвоихвозможностей #ВыбирайБашкортостан