Төҙөлөш башланырға тора

Ауырғазы районы Төрөмбәт ауылында яңы модулле фельдшер-акушер пункты һалына.

#миллипроект #национальныепроекты #нацпроекты #нацпроектыБашкортостан

ФАП “Һаулыҡ һаҡлау” милли проектының “Беренсел медицина-санитар ярҙамды үҫтереү” программаһы буйынса төҙөлә.

Әле иҫке бина емерелеп, төҙөлөш өсөн урын әҙерләнә.

Тиҙҙән төҙөлөш эштәре башланырға тора.

– Был районыбыҙҙа һуңғы йылдарҙа төҙөлгән алтынсы ФАП була. Яңы бинаға йылытыу, һыу үткәрелә. Кәрәкле медицина ҡорамалдары менән йыһазландырыла. Фельдшер-акушер пункты 424 кешене хеҙмәтләндерә, – ти Талбазы үҙәк район дауаханаһының баш табибы Роберт Иштуков.

БР Һаулыҡ һаҡлау министрлығының матбуғат хеҙмәте хәбәр итеүенсә, быйыл Башҡортостанда 75 яңы ФАП асылыуы көтөлә.

Фото – БР Һаулыҡ һаҡлау министрлығының матбуғат хеҙмәте.