Льготалы ғаилә ипотекаһы 2023 йылға тиклем оҙайтылды

Рәсәй Президенты Владимир Путин ҡушыуы буйынса РФ Хөкүмәте “Ғаилә ипотекаһы” программаһын оҙайтты. Торлаҡ алыуға йәки шәхси йорт һалыуға йылына 6 процентҡа тиклем льготалы ставка буйынса кредитты 2023 йылдың аҙағына тиклем алырға мөмкин.

#миллипроект #национальныепроекты #нацпроекты #нацпроектыБашкортостан

2021 йылдың 1 июленән Президент ҡушыуы буйынса программаның шарттары киңәйтелде. Элек программа ике йәки артабанғы балалар тыуғандан һуң эшләһә, хәҙер кредитты 2018 йылдың 1 ғинуарынан һуң тыуған бер балалы ғаиләләрҙең дә алырға мөмкинлеге бар.

Тәүге взнос торлаҡтың 15 процентын тәшкил итә. Кредиттың максималь күләме төрлө төбәктә төрлөсә. Башҡортостан Республикаһы өсөн ул 6 миллион һум тәшкил итә, тип хәбәр итә  БР Ғаилә, хеҙмәт һәм халыҡты социаль яҡлау министрлығының матбуғат хеҙмәте.

“Ғаилә ипотекаһын” нисек ҡулланырға? Ошо һылтанма буйынса ҡарағыҙ: https://спроси.дом.рф/instructions/semeinaya-ipoteka/.

“Ғаилә ипотекаһы”на ғариза яҙырға: https://domrfbank.ru/mortgage/programs/family-mortgage/.

Ҡулланыусының каталогтан алып хеҙмәтте алыуға тиклем юлы – һылтанма буйынса видеояҙмала: https://vk.com/rcspn?z=video-172173603_456239039%2F15311e0d63eb2141ef%2Fpl_wall_-172173603.

Фото – БР Ғаилә, хеҙмәт һәм халыҡты социаль яҡлау министрлығының матбуғат хеҙмәте.