Заманса китапхана

Дыуан китапханаһының 120 йыллыҡ бай тарихы бар. Ул даими үҫешеүҙән туҡтамай. 2019 йылда “Мәҙәниәт” милли проектының “Мәҙәни мөхит” федераль проекты сиктәрендә төҙөлгән социаль-мәҙәни үҙәк бинаһына күсһә, быйыл ошо уҡ проект буйынса заманса йыһазландырыу өсөн 7,5 миллион һум алды.

#миллипроект #национальныепроекты #нацпроекты #нацпроектыБашкортостан

Юғары технологиялы йыһаздар мәғлүмәт биреүҙә яңы мөмкинлектәр аса. Яңыртылған китапханала ғәҙәти уҡыу залы менән абонементты электрон китап биреү, хәрәкәте сикләнгән граждандарҙы хеҙмәтләндереү, ижад, IT, интерактив, мәҙәни-ял саралары үткәреү, интеллектуал уйындар, бәләкәй балалар өсөн уйын зоналары алмаштыра. Улар уңайлы мебель, заманса техника менән йыһазландырылған, тип хәбәр итә Дыуан районы хакимиәтенең мәғлүмәт-аналитика бүлеге.

Китап фонды 2,5 мең дана яңы баҫмаға арта. Бында хәҙер һәр йәштәге килеүселәргә лә ҡыҙыҡлы, фәһемле булыр, тигән фекерҙә китапхана хеҙмәткәрҙәре.

Фото – Дыуан районы хакимиәтенең мәғлүмәт-аналитика бүлеге.