Бөтә донъя буйынса 600-ҙән ашыу майҙансыҡта диктант яҙҙыҡ

Акция 2026 йылдың 17 апрелендә онлайн һәм офлайн форматтарҙа үтте. Теләгән һәр кем, йәшенә, белем кимәленә һәм йәшәү урынына ҡарамаҫтан, ҡатнашты.

Майҙансыҡтарҙың төп өлөшө – 613-ө Рәсәйҙә урынлашҡан, шул уҡ ваҡытта акция халыҡ-ара кимәлгә лә сыға: диктантты Румынияла һәм Үзбәкстанда ла яҙҙылар.

Төбәктәр араһында Башҡортостан Республикаһы алдынғы урында – барлығы 558 майҙансыҡ эшләне.

Шулай уҡ әүҙем ҡатнаштылар:

• Силәбе өлкәһе – 21 майҙансыҡ
• Ырымбур өлкәһе – 7 майҙансыҡ
• Ҡурған өлкәһе – 2 майҙансыҡ
• Свердловск өлкәһе – 2 майҙансыҡ
• һәм Рәсәйҙең башҡа төбәктәре

Иҫегеҙгә төшөрәбеҙ, диктант өс кимәлдә үтте:

• башҡорт телен башланғыс кимәлдә белеүселәр – 418 майҙансыҡ
• башҡорт телендә иркен аралашыусылар – 163 майҙансыҡ
• башҡорт теленең төньяҡ-көнбайыш диалектында яҙыусылар – 34 майҙансыҡ

Башҡортостандың баш ҡалаһында диктант ғәҙәттәгесә ҡаланың ҙур мәғариф һәм мәҙәни майҙансыҡтарында үтте, улар араһында:

• Башҡорт дәүләт педагогия университеты,
• Өфө фән һәм технологиялар университеты
• "Торахан" тарихи-мәҙәни комплексы
• Башҡортостан Республикаһының мәғарифты үҫтереү институты

Роза Хөснуллина фотоһы