+30 °С
Болотло
Аңлатабыҙ. Башҡортостан
19 Май 2025, 10:03
Өфөгә ҡунаҡтар килә
5-6 июндә Өфөлә “Торатау” конгресс-холында “Ҡатын-ҡыҙ бәхете” 5-се Бөтә Рәсәй асыҡ академияһы уҙғарыла. Быйыл сара илдең билдәле ҡатын-ҡыҙҙарын: эксперттарын, эшҡыуарҙарын, артистарын, йәмәғәт эшмәкәрҙәрен йәлеп итәсәк. Спикерҙар һәм ҡунаҡтар исемлегендә психология фәне докторы, эмоциональ интеллектты үҫтереү буйынса методика авторы Виктория Шиманская, “Ҡатын-ҡыҙ ҡарашы” фонды президенты Вероника Пешкова, Рәсәйҙең халыҡ артисткаһы Анита Цой, Wildberries-ға нигеҙ һалыусы, илдең уңышлы эшҡыуарҙарының береһе Татьяна Ким, билдәле телевизион алып барыусыһы, йәмәғәт эшмәкәре Арина Шарапова, Рәсәйҙең әйҙәүсе FDM-терапевы Начин Монгуш бар.
Өфөгә ҡунаҡтар килә
5 июндә ҡатнашыусыларҙы лекциялар, түңәрәк өҫтәлдәр, оҫталыҡ дәрестәре рәүешендә эшлекле программа көтә.
Шулай уҡ “Геройҙар дәүере”, “Демография һәм ғаилә”, “Мәҙәни код: донъя тенденциялары” тигән темаларға дискуссиялар уҙғарыла. Кисә “Мин – бәхет! Тәрән сағылыш” тигән спектакль менән тамамланасаҡ.
6 июндә лә бер нисә майҙансыҡ эшләйәсәк. Шулай уҡ табиптар һәм психологтарҙың бушлай консультациялары ла ойошторола. “Мәҙәни код” темаһына ярашлы күргәҙмәләр булдырыласаҡ. Балалар зонаһында баланы ҡарауға ҡалдырып китеп буласаҡ. Асыҡ академия саралары Башҡортостан Башлығы гранттары фонды ярҙамында тормошҡа ашырыла.
Сығанаҡ: “Молодежная газета” сайтынан.
