Сәхнәлә – буласаҡ медиктар

Өфөлә “Студент осрашыуҙары – 2024” медицина колледждары студенттары үҙешмәкәр ижадының XVII республика фестивале гала-концерты булып үтте. Фестивалде Башҡортостан һаулыҡ һаҡлау хеҙмәткәрҙәре профсоюзы республикабыҙ Һаулыҡ һаҡлау министрлығы булышлығында ойошторҙо. Сараның Ғаилә йылы сиктәрендә уҙғарылыуын билдәләп китәбеҙ.

Буласаҡ медиктар гала-концертта йыр, бейеү һәм оригиналь жанр буйынса һайлап алыу турҙарын үткән иң яҡшы сығыштарын тәҡдим итте.
Конкурс һөҙөмтәләре буйынса беренсе урын Бөрө медицина-фармацевтика колледжына бирелде. Икенсе урынды Өфө һәм Бәләбәй медицина колледждары бүлеште. Өсөнсө урында – Сибай медицина колледжы.

Салауат медицина колледжы “Еңеүгә ихтыяр өсөн” призына лайыҡ булды. Ә “Тамашасылар һөйөүе” призын Туймазы медицина колледжының үҙешмәкәр артистары алды.

Фотолар: Башҡортостан һаулыҡ һаҡлау хеҙмәткәрҙәре профсоюзының социаль селтәренән.