Республикала октябрҙең һуңғы көндәрендә һалҡын һәм ямғырлы була

Гидрометүҙәк мәғлүмәттәре буйынса, бөгөн, 29 октябрҙә, урыны менән бер аҙ ямғыр һәм епшек ҡар яуа.

Шулай уҡ томан һәм боҙлауыҡ көтөлә. Ел төньяҡ-көнбайыштан, көньяҡ-көнбайышҡа табан талғын. Һауа температураһы көндөҙ 0,+5 градус тәшкил итә.

Шаршамбы һәм кесаҙна ла, 30 һәм 31 октябрҙә, урыны менән бер аҙ ямғыр һәм епшек ҡар яуыуы, айырым райондарҙа боҙлауыҡ булыуы фаразлана. Ел көньяҡтан, көньяҡ-көнсығыштан талғын. Термометр бағанаһы төндә 0,-5°, аяҙытҡанда -10°, көндөҙ +1,+6° тиклем күтәрелә.

Автомобилселәргә ҡышҡы резинаға күсергә ваҡыт, тип иҫкәртәләр Юл хәрәкәте хәүефһеҙлеге хеҙмәтенән.