Радий Хәбиров паралимпиясыларҙы бүләкләйәсәк

Башҡортостан спортсылары Парижда уҙған XVII йәйге Паралимпия уйындарында лайыҡлы сығыш яһаны, тине Хөкүмәттең бөгөнгө оператив кәңәшмәһендә республикабыҙ Башлығы Радий Хәбиров.

“Паралимпиясылар алты миҙал яуланы. Милли йыйылма команда составында республикабыҙҙан Богдан Мозговой, Аделина Разятдинова, Андрей Николаев, Елена Прокофьева, Антон Кулятин, Анна Кулинич-Сорокина, Елена Паутова һәм Андрей Сафоновтар инде. Улар биш спорт төрөнөң өсөһө буйынса сығыш яһаны. Мин уларҙы тантаналы рәүештә бүләкләргә теләр инем, был ғәҙел буласаҡ. Уларҙың тренерҙарын да ҡотлайым. Афариндар!” – тине Башҡортостан Башлығы.

Фото “Башинформ”дан алынды.