Башҡортостанда һайлау участкалары ябылды

Башҡортостанда 8 сентябрҙә, республика Башлығын һайлауҙың өсөнсө көнөндә, Өфө ваҡыты буйынса киске сәғәт 8-ҙә һайлау участкалары ябылды.

Билдәле булыуынса, бөгөн көн уртаһына һайлаусыларҙың 64% тауыш бирҙе.

Башинформ хәбәр иткәнсә, 6, 7, 8 сентябрҙә республикала 218 һайлау кампанияһы уҙҙы. Башҡортостан етәксеһен һайлауҙан тыш, Дәүләт Йыйылышы депутатын өҫтәмә һайлау һәм урындағы үҙидараның вәкиллекле органдарына депутаттар һайлау буйынса 216 кампания.

Берҙәм тауыш биреү көнөндә республикабыҙ халҡы 3,3 меңдән ашыу һайлау участкаларының береһендә тауыш бирә алды. Республика Башлығы вазифаһына кандидаттарҙың рәсми исемлегенә Радий Хәбиров («Берҙәм Рәсәй»ҙән), Иван Сухарев («ЛДПР»), Владимир Нагорный («Ғәҙел Рәсәй»), Артур Шәйнуров («КПРФ») һәм Илшат Тимерйәнов («Яңы кешеләр») инде.