Кемдәрҙең пенсияһы ҡайтанан иҫәпләнә?

Пенсия тәғәйенләнгәндән һуң пенсионер эшен дауам итһә, пенсия ҡайтанан иҫәпләнә.

Уны йыл һайын үткәрәләр. Бының өсөн ғариза яҙырға кәрәкмәй.

Пенсияның күпмегә артыуы страховка взностары күләменә бәйле. Страховка пенсияһына максималь өҫтәмә - өс шәхси пенсия коэффициенты.

2023 йылдың авгусында Рәсәйҙең Социаль фонды закон менән билдәләнгән тәртиптә 2022 йылда эшләгәндәрҙең страховка пенсияһын ҡайтанан иҫәпләй.

Башҡортостандан 219 мең пенсионерҙың пенсияһы ҡайтанан һаналды. Иҫәп-хисап үткән йылда эш биреүселәр страховка иғәнәһе түләгән пенсионерҙарҙың барыһына ла ҡағылды.

Шулай уҡ билдәләнгән тәртиптә ҡараусыһын юғалтыу буйынса страховка пенсияһы күләме яңынан иҫәпләнә.

#Аңлатабыҙ_Башҡортостан