МРОТ 18,5 процентҡа арттырыла

2024 йылдың 1 ғинуарынан Рәсәйҙә минималь эш хаҡы күләме арта. 

Хеҙмәт министрлығынан белдереүҙәренсә, ул 19 242 һумға тиклем, йәғни 18,5 процентҡа юғарыраҡ була. МРОТ-ты арттырыу 4,8 миллион хеҙмәткәрҙең эш хаҡын күтәрергә мөмкинлек бирергә тейеш. Ошо маҡсатҡа бөтә кимәлдәге бюджеттарҙан — 75,9 миллиард һум, бюджеттан тыш секторҙан 47,4 миллиард һум йүнәлтелә.