Пенсияға өҫтәмәне ғаризаһыҙ алырға мөмкин

Алыҫ Себерҙә оҙайлы эш стажы һәм ауыл хужалығында 30 йылдан ашыу эшләгән өсөн страховка пенсияһына өҫтәмәне Социаль фондҡа ғариза һәм документ тапшырмайынса алырға мөмкин.

Ошо турала ҡарарға ил хөкүмәте рәйесе Михаил Мишустин ҡул ҡуйған. Был өҫтөнлөк менән 2024 йылдан Алыҫ Себерҙә оҙайлы эшләүселәр, ә 2026 йылдан ғүмерен ауыл хужалығына бағышлағандар файҙалана ала.

Пенсияны ҡайтанан иҫәпләү тураһында дәүләт хеҙмәттәре йәки почта аша ошондай ҡарар ҡабул ителгән көндән алып өс көн эсендә хәбәр итергә тейештәр.

Ауыл хужалығы белгестәре исемлегенә 500-ҙән ашыу һөнәр, шул иҫәптән агрономдар, умартасылар, тракторсылар һәм махсус техниканы ремонтлау слесарҙары ла индерелгән.