Рәсәй көнө һәм Ҡорбан байрамы

Башҡортостан Хеҙмәт министрлығы республикала 2023 йылдың июнендә ял көндәре тураһында хәбәр итте.

Быйыл йәйҙең тәүге айында Башҡортостанда Рәсәй көнөнән тыш, Ҡорбан байрамы билдәләнә.

2023 йылда йыл һайын 12 июндә билдәләнгән Рәсәй көнө дүшәмбегә тура килә. Шуға күрә рәсәйҙәр шәмбе, 10 июндән алып дүшәмбе, 12 июнгә тиклем өс көн ял итә. 10 июндә эш көнө ҡыҫҡармай.

28 июндә иһә мосолмандарҙың Ҡорбан байрамы. Быйыл ул шаршамбыға тура килгәс, Башҡортостан халҡы ошо көндә генә ял итә. Ләкин шишәмбе, 27 июндә, уларҙы ҡыҫҡа эш көнө көтә.