Почта бүлексәләре яңы йыл байрамдарында нисек эшләй

Башҡортостандың почта бүлексәләре яңы йыл байрамдарында эш графигын үҙгәртә, тип хәбәр иттеләр республиканың Федераль почта элемтәһе идаралығынан.

31 декабрҙә республикала почта бүлексәләре бер сәғәткә аҙыраҡ эшләй.

1, 2 һәм 7 ғинуарҙа барлыҡ бүлексәләр ял итә. Был көндәрҙә почтальондар хаттар, гәзит-журналдар таратмай. Пенсиялар һәм пособиелар Рәсәй Пенсия фондының Башҡортостандағы бүлексәһе менән килешелгән график буйынса таратыла.

3, 4, 5, 6, 8 һәм 9 ғинуарҙа бөтә почта бүлексәләре ғәҙәти режимда эшләй.