Милли китапхана директоры хәрбиҙәр рәтен тулыландырҙы

Кисә Өфө ҡалаһынан мобилизацияланған бер төркөм ир-егетәр араһында Бөтә донъя башҡорттары ҡоролтайының Башҡарма комитеты ағзаһы, З. Вәлиди исемендәге Милли китапхана директоры, тарих фәндәре кандидаты, “Башҡортостан Республикаһы тыуған яҡты өйрәнеүселәр йәмғиәте” йәмәғәт ойошмаһы советы рәйесе Марат Миңлеғәли улы Зөлҡәрнәйев та бар ине.

“Илгә, халҡыбыҙға шунда оло һынау килгәндә, мин ситтә тороп ҡалмайым һәм яҡташтарым менән бергә Ватанды һаҡларға юлланам”, - тине Марат Миңлеғәли улы, тип яҙалар социаль селтәрҙәрҙәге Бөтә донъя башҡорттары ҡоролтайының битендә .

Марат Миңлеғәли улына һәм барлыҡ ир-егеттәребеҙгә имен-һау тыуған яҡҡа әйләнеп ҡайтырға яҙһын.