Башҡортостан Башлығы мобилизацияланған хәрбиҙәр менән бәйләнеш тотоу буйынса кәңәшселәрен атаны

Башҡортостан Башлығы Радий Хәбиров социаль селтәрҙә республиканың хәрби хеҙмәткәрҙәре менән эш итеү мәсьәләләре буйынса йәмәғәт башланғысында эшләгән кәңәшселәре исемлеген баҫтырып сығарҙы.

Улар — кесе сержант Замир Йәнтүрин (Өфө), ефрейтор Евгений Гончаров (Һарытау), рядовойҙар Юрий Орда (Пенза) һәм Рафаэль Сатаев (Вольск), прапорщик Артур Мусакалимов (Елань).

Радий Хәбиров билдәләүенсә, республика кәңәшселәр аша өлөшләтә мобилизация сиктәрендә саҡырылғандар менән бәйләнеш тота.