Рәсәйҙең оборона министры Сергей Шойгу 21 сентябрҙә «Россия 24» телеканалына интервьюһында мобилизация шарттарында кемдәрҙең хәрби хеҙмәткә алынасағына асыҡлыҡ индерҙе.
Уның һүҙҙәренсә, хәрби хеҙмәттә булып ҡайтҡандар, хәрби-иҫәп белгеслегенә һәм һуғыш тәжрибәһенә эйә булғандар мобилизацияланырға тейеш.
«Улар армия тураһында белмәгән-күрмәгән кешеләр түгел. Суденттарҙы мобилизациялау хаҡында һүҙ бармай. Тыныс ҡына уҡыһындар. Хәрби хеҙмәттәге һалдаттар ҙа мобилизацияланмай, уларҙы махсус хәрби операция барған ергә ебәрмәйҙәр», — тип билдәләне ул.
Рәсәйҙең мобилизация ресурсы 25 миллионға яҡын кеше тәшкил итә, уларҙың 1% ашыуырағы (300 мең самаһы) өлөшләтә мобилизацияланырға тейеш.
"Башинформ" мәғлүмәт агентлығы.