Өлкән быуын граждандары өсөн экскурсиялар

Башҡортостанда 2020 йылдың 9 сентябренән “Башкирское долголетие. Туризм” проекты эшләп килә.
Проект әүҙем өлкән быуын граждандарына, йәғни 55 йәштән өлкән пенсионерҙарға иҫәпләнгән.

Проект ҡатнашыусыларға Башҡортостандың тәбиғәт ынйыларын, мәҙәни мираҫтарын, шулай уҡ тыуған яҡтың төрлө иҫтәлекле урындарын күрһәтеү, улар хаҡында һөйләүҙе күҙ уңында тота. Программа буйынса 1-2 көн эсендә экскурсияла ҡатнашыусылар йәйәү йә автобуста республиканың музейҙары, дини урындары, усадьбалар буйлап сәйәхәт ҡыла ала.

Бының өсөн http://долголетие.соцтуризмрб.рф/ сайтына инеп теркәлергә һәм үҙеңә оҡшаған турҙы һайларға кәрәк.