"Шүлгәнташ" музей комплексын сафҡа индереү көтөлә

Республика хөкүмәте премьер-министры Андрей Назаров эш сәфәре менән Бөрйән районына барҙы. Оҙаҡламай төбәктә  “Шүлгәнташ” тарихи-мәҙәни музей комплексы сафҡа индереләсәк.

Билдәле булыуынса, “Шүлгәнташ” музей комплексын сафҡа индереү июль айына планлаштырылған. Ул Рәсәйҙә палеолит быуатының  мәмерйә кешеләренең  сәнғәтен сағылдырыусы берҙән- бер музей булып һанала. Комплекстың экспозицияһы ете тематик блокты үҙ эсенә алған. Иң сағыу экспонаттарҙың береһе- боронғо мәмерйәләге сәнғәттең тура күсермәһе буласаҡ. Уны Францияның Монтиньякеһында  ярты йыл дауамында  сит ил  рәссам- реставраторҙары эшләнгән.

 Шүлгәнташ мәмерйәһе археологияның уникаль һәйкәле булып һанала. Унда таш быуатынан һаҡланып ҡалған  боронғо һүрәттәр урын алған.