АРТ- Ҡоролтай. Балалар

1 июнь балаларҙы яҡлау көнөндә Өфөнөң “Торатау” конгресс- холында балалар ҡоролтайы уҙғарыла. Тәүге тапҡыр бындай форум 2021 йылда ойошторолған һәм ул өлкән арт- ҡоролтайҙың бер өлөшө булып тора.

Арт- ҡоролтай. Балалар форумының программаһы бик бай. Унда “Башҡортостан – Евразия үҙәге” тигән тәүге асыҡ конкурс үткәреү ҡаралған. Ул иһә мастер кластар, тренингтар, кино кастингтар, ижади лабораториялар үткәреүҙе, ижади бәйгеләрҙең еңеүселәрен ҡотлау, байрам концертын күҙ уңында тота.

Форумдың эшлекле өлөшө “Заман шарттарында материаль булмаған мәҙәни мираҫты һаҡлау”, “ Мәҙәниәт өлкәһендә берҙәм белем биреү киңлектәрен һаҡлау” тигән панель секцияларынан, шулай уҡ “ Тамырымбашҡорт” балалар –үҫмерҙәр форумы, Юнеско мәктәптәренең балалар  советы рәйестәренең йыйынынан торосаҡ.