Башҡортостандың Резерв фонды аҡсаһын ДНР һәм ЛНР халҡына гуманитар ярҙам күрһәтеү өсөн файҙаланырға рөхсәт ителде

Башҡортостан Хөкүмәте республиканың резерв фондындағы бюджет аҡсаһын файҙаланыу тәртибенә үҙгәрештәр индерҙе.

Атап әйткәндә, уларҙы Донецк һәм Луганск халыҡ республикаларында йәшәүселәргә гуманитар ярҙам күрһәтеү өсөн файҙаланырға мөмкин.

Резерв фонд Башҡортостан бюджеты аҡсаһының республиканың сығым йөкләмәһен үтәү өсөн тәғәйенләнгән бер өлөшө.

2021 йылда Башҡортостан хөкүмәтенең Резерв фондына 2,6 миллиард һум һалынған.

"Башинформ" мәғлүмәт агентлығы.