Республикала 765 кеше талпандан зыян күргән

Башҡортостанда 2021 йыл менән сағыштырғанда талпандан зыян күреүселәр кәмегән.

Роспотребнадзорҙың республика идаралығы мәғлүмәттәре буйынса, 11 майға ҡарата 765 кешегә талпан ҡаҙалған. Былтыр иһә был күрһәткес 833 булған. Уларҙың 294-е – балалар.

«Зыян күреүселәрҙең һаны күп йыллыҡ уртаса күрһәткестәрҙән артмай», – тип белдерәләр белгестәр.

Йыл башынан 20 меңгә яҡын кешегә талпан энцефалитынан прививка яһалған.