Федераль һауа транспорты агентлығы мосолмандарҙы бер нисә ҡаланан, шул иҫәптән Өфөнән хажға ебәреүҙе күҙ уңында тота. 2022 йылда Сәғүд Ғәрәбстанына авиаташыуҙарҙы ойоштороу буйынса кәңәшмә уҙғарылған.
Рәсәйҙең Хаж-миссияһы, Федерация Советы, Рәсәй төбәктәре, туроператорҙар һәм авиакомпаниялар вәкилдәре Мәскәү, Махачкала, Грозный, Минераль һыуҙар, Ҡаҙан һәм Өфө ҡалаларынан авиаосоштар ойоштороу мөмкинлеген ҡараны.
Федераль һауа транспорты агентлығының матбуғат хеҙмәтенән: «Рәсәй авиакомпанияларының тура чартер рейстары мәсьәләһен, сит ил авиакомпанияларын йәлеп итеп, ғибәҙәт ҡылыусыларҙы өсөнсө илдәр аша алып барыу мөмкинлеген тикшерҙек», — тип хәбәр иткәндәр.
Фото: "Башинформ"дан.