Башҡортостанда икмәк бешереү предприятиеларына 64 миллион һум аҡса бүленәсәк

Быйыл дәүләт ярҙамы тарафынан республиканың икмәк етештереү тармағына 64 миллион һум аҡса бүленәсәк, был үткән йыл менән сағыштырғанда 8 миллион һумға күберәк. Ярҙам икмәк һәм икмәк-ҡалас ризыҡтарына хаҡтарҙы бер кимәлдә тотоуға булышлыҡ итәсәк, тине БР Хөкүмәте Премьер-министры урынбаҫары – ауыл хужалығы министры Илшат Фәзрахманов.

 – Икмәк һәм икмәк-ҡалас ризыҡтары етештереү өсөн төп стратегик сеймал – иген, –  тине министр. – Беҙ уны байтаҡ күләмдә – йыл ярымға етерлек итеп етештерәбеҙ. Игенгә хаҡ артыуға сәбәп юҡ. Ә ҡалған сығымдар субсидиялар иҫәбенә ҡапланасаҡ, икмәк бешереү предприятиеларына беҙ уларҙы тиҙҙән түләй башлаясаҡбыҙ. Шуға күрә быйыл өҫтәлдәге төп ризыҡҡа хаҡ артыу көтөлмәй.

Мәғлүм булыуынса, бешереп һатылған һәм 5 тәүлеккә тиклем һаҡланған икмәк ризыҡтарының 2,5 һумын субсидия ҡаплай.

Фото: Башҡортостан Хөкүмәтенең рәсми сайтынан.