Борсоған һорауҙарға яуап бирерҙәр

Республика менән идара итеү үҙәге (ЦУР) Юлдаш телеканалында махсус брифинг үткәрә. Унда бөгөнгө көндә һәр кемде борсоған һорауҙарға яуаптар яңғыраясаҡ.

Тапшырыу 19.00 сәғәттә башлана. Унда магазиндарҙа хаҡтарҙың артыуы, тауарҙарҙың булыу-булмауы һәм башҡа актуаль мәсьәләләр күтәреләсәк. Тура эфирҙа дарыуҙар, аҙыҡ-түлек бармы, сәсеү нисек үтер, санкция шарттарында предприятиелар нисек эшләй – барыбыҙҙы борсоған ошондай һорауҙарға республика Хөкүмәтенең яуаплы кешеләренән яуаптар ишетерһегеҙ.