Малдарҙы республиканан сығарыуҙы тыйыу тураһында ҡарар ҡабул ителгән

Башҡортостанда малдарҙы, тәү сиратта, һыйыр, йылҡы малын, һарыҡтарҙы республика биләмәһенән сығарыуҙы ваҡытлыса тыйыу хаҡында ҡарар ҡабул ителгән. Республика хөкүмәте вице-премьеры — ауыл хужалығы министры Илшат Фәзрахманов брифингта ошо турала әйткән.  

«Ҡарар эске баҙарҙы яҡлау менән бәйле, халыҡҡа ла йәш мал кәрәк. Европала һатып алынған тоҡом малы менән ҡатмарлыҡтар сығасағын аңлайбыҙ. Был мәсьәләне лә хәл итербеҙ, — тигән Илшат Фәзрахманов. — Хәҙер төп маҡсат — эске баҙарҙы яҡлау, шуға ла донъя баҙарында хаҡтар юғары булһа ла, продукцияны экспортҡа оҙатыу тураһында уйламайбыҙ».

Фото: асыҡ сығанаҡтарҙан.