Радий Хәбиров дәүләт наградаларын тапшырҙы

4 мартта Радий Хәбиров Өфөлә дәүләт наградаларын тапшырҙы. Залда сәнәғәт предприятиелары етәкселәре, дәүләт хеҙмәткәрҙәре, ғалимдар, аграрийҙар, инженерҙар, эшселәр, уҡытыусылар, врачтар, мәҙәниәт хеҙмәткәрҙәре һәм башҡа үҙ эшенең оҫталары йыйылғайны.

“Яҙҙың матур байрамы 8 март алдынан бигерәк тә ҡәҙерле ҡатын-ҡыҙҙарыбыҙҙы билдәләү ҡыуаныслы”, - тине тәбрикләү телмәрендә Радий Хәбиров.

Бына инде 40 йыл ауырлы ҡатын-ҡыҙҙарҙың ғүмерен һаҡлап алып ҡалыусы врач Ящук Әлфиә Ғәлим ҡыҙына “Рәсәй Федерацияһының атҡаҙанған врачы” тигән маҡтаулы исем бирелде. Әлфиә Ғәлим ҡыҙының ғилми тикшеренеүҙәре профессионалдар араһында киң билдәле. Ул үҙенең тәжрибәһе менән Рәсәй һәм сит ил медиктары менән дә әүҙем уртаҡлаша.

Мәғлүмәт “Башинформ” сайтынан алынды.

Автор:Роза Хуснуллина

Читайте нас

Новости партнеров