Күсмә вакцинациялау пункттарының эш графигы үҙгәрҙе

Өфө һәм Стәрлетамаҡ ҡалаларында бөгөнгө көндә йәмғеһе туғыҙ күсмә вакцинациялау пункты эшләй. Шуларҙың һигеҙе – Өфөлә: “Простор”, “Акварин”, “Мир”, “Мега”, “Планета” сауҙа үҙәктәрендә, “Үҙәк” сауҙа комплексында, “Ҡунаҡһарай” сауҙа-эш комплексында, “Башҡортостан” Лайфстал-үҙәгендә урынлашҡан, береһе – Стәрлетамаҡ ҡалаһындағы “СитиМолл” сауҙа үҙәгендә.

Сауҙа үҙәктәрендәге вакцинациялау пункттары эш көндәрендә иртәнге сәғәт 11-ҙән киске сәғәт һигеҙгә тиклем, ял көндәрендә (байрамдарҙы ла индереп) иртәнге ундан киске сәғәт һигеҙгә хәтлем асыҡ.

Күсмә пункттарҙа "йәнле" сират буйынса ҡабул итәләр, йәғни алдан яҙылыу кәрәкмәй.