+22 °С
Ясна
Антитеррор
Бөтә яңылыҡтар
2 Июль 2021, 15:56

Тербунала яу реконструкцияһында Башҡортостан вәкилдәре лә ҡатнаша

Кисә Башҡортостан делегацияһы “Тербуна сиге. 1942 йылдың эҫе йәйе” тип аталған төбәк-ара хәрби-тарихи фестивалдә ҡатнашыу өсөн Липецк өлкәһенә юлланды. Ул 3-4 июлдә үтә.

Тербунала яу реконструкцияһында Башҡортостан вәкилдәре лә ҡатнаша
Тербунала яу реконструкцияһында Башҡортостан вәкилдәре лә ҡатнаша

Кисә Башҡортостан делегацияһыТербуна сиге. 1942 йылдың эҫе йәйетип аталған төбәк-ара хәрби-тарихи фестивалдә ҡатнашыу өсөн Липецк өлкәһенә юлланды. Ул 3-4 июлдә үтә.

Бөйөк Ватан һуғышы ваҡытында Тербуна районында яу яландарында 27 мең Ҡыҙыл армия һалдаты һәм офицеры һәләк булған. Озерки ауылы янында 112-се Башҡорт кавалерия дивизияһының күп яугирҙәре башын һалған. Үткән йылда бында Рәсәй Геройы Миңлеғәле Шайморатовҡа бюст ҡуйылды.
Делегация составында Илдар Шәйәхмәтов етәкселегендә “Любизар” хәрби-тарихи реконструкция клубы ағзалары, башҡорт атлыларының ейәндәре һәм бүләрҙәре, тарихсылар, крайҙы өйрәнеүселәр бар.
“Бөтә донъя башҡорттары ҡоролтайы ике йыл инде 112-се Башҡорт кавалерия дивизияһы, һуғыш геройҙары исемен мәңгеләштереү менән бәйле проекттарҙы тормошҡа ашыра. Тербуна фестивалендә тарихи реконструкцияла тәүге тапҡыр башҡорт аттары ла ҡатнаша”, – тип һөйләй Бөтә донъя башҡорттары ҡоролтайы Президиумы рәйесе Эльвира Айытҡолова.

Фестивалдең төп маҡсаты – Бөйөк Еңеү тураһындағы тарихи дөрөҫлөктө һәм хәтерҙе һаҡлау, тип аңлата ул.

Аттарҙы Башҡортостан Республикаһының Йылҡысылыҡ һәм ат спорты компетенциялар үҙәге – Советтар Союзы Геройы генерал Күсимов исемендәге “Аҡбуҙат” ипподромы ойоштора.

“Ипподром аттар, уларҙы алып барырға транспорт, ветеринар күҙәтеү һәм хайуандарҙы юлда оҙатып барыр өсөн белгестәр бүлде”, – тип хәбәр итә Бөтә донъя башҡорттары ҡоролтайы башҡарма комитеты рәйесе, төбәк Йәмәғәт палатаһы ағзаһы Ғәлим Яҡупов.

Читайте нас: