“Штаттан тыш хәлдәр күҙәтелмәне”

“Торатау” конгресс-холында ойошторолған “Һайлау-2026” йәмәғәт матбуғат үҙәгендә участка һайлау комиссияларынан күҙәтеүсе блогерҙар журналистар менән бәйләнешкә сыҡты.

“Барыһы ла тейешле кимәлдә ойошторолған, штаттан тыш хәлдәр күҙәтелмәне”, – тип бүлешә Благовещен ҡалаһындағы 1493-сө һайлау участкаһынан Любовь Немцова.

“Күптәр ғаиләләре менән килә, улар араһында балаларҙың күп булыуы – бигерәк матур күренеш. Милли костюмдарҙа килеүселәр һайлауға байрам төҫө өҫтәп, күңелде күтәрә”, – ти  Сибай ҡалаһындағы 635-се һайлау участкаһынан Лия Насипова.

Александр Королев фотоһы.