МХО яугире йырсы Ольга Кормухина менән осрашты

Ижади ярышта ҡатнашыусылар араһында Мәскәүҙән МХО яугире Александр Сергеев та булды. Ул – РФ Ҡораллы көстәренең ғәмәлдәге хәрби хеҙмәткәре. «Беҙ геройҙар түгел» йыры менән Александр «Геройҙар ваҡыты»ның ярымфиналына сыҡты.

– Ставрополдәге һауа-десант ғәскәрҙәре, 247-се десант-штурм кавказ казак полкы исеменән сығыш яһаным. Мин автор-башҡарыусы, композитор, фронттағы егеттәр өсөн йырҙар һәм музыка яҙам. Ә Ольга Борисовна беҙҙең полктың разведка ротаһына гуманитар ярҙам һәм үҙенең ижады менән булышлыҡ итә. Уның менән тағы осрашып, Өфөлә аралашыу бик күңелле булды, – тип уртаҡлашты яугир.