Өфөлә “Туғандар - яратҡандар” республика ата-әсәләр форумы бара

Бөгөн баш ҡалабыҙҙың “Торатау” конгресс-холына уҡытыусылар, педагогтар, “Беренселәр хәрәкәте”нең әүҙем ағзалары “Туғандар - яратҡандар” республика ата-әсәләр форумына йыйылды. Икенсе тапҡыр уҙғарылған сараны Башҡортостандың Мәғариф һәм фән министрлығы, “Беренселәр хәрәкәте”нең төбәк бүлексәһе ойошторҙо.

Форум сиктәрендә балаларҙы тәрбиәләү, үҫтереү, белем биреү кеүек көнүҙәк мәсьәләләргә ҡағылышлы һорауҙар ҡарала. Программала мәғариф һәм тәрбиә, хәүефһеҙлек һәм һаулыҡ, ижад һәм балалар, психология , ярҙам, ата-әсәләр йәмәғәтселеге буйынса алты тематик йүнәлеш эшләй. Ҡатнашыусылар өсөн эксперттар лекциялары, балалар өсөн оҫталыҡ кластары, мәғариф ойошмалары күргәҙмәләре үтә. Форум тәжрибә уртаҡлашыу өсөн ата-әсәләр берләшмәһен булдырыуға йүнәлтелгән.