Белореттар хөрмәтле әҙиптең  әҙәби мираҫын  яҡшы белгәнлеген иҫбатланы : көсөргәнешле ярышта  "Әүжән" һәм "Аҫылташ" командалары –беренсе,   "Йәшлек һәм тәжрибә"  – икенсе, "Юрғашты” командаһы  өсөнсө урынды яуланы . Һөйөклө олатаһының бай ижади мираҫын киләсәк быуынға еткереү өҫтөндә ғәйәт ҙур эш алып барған ейәнсәре Алһыу Хамматова  “Алтын йыуыусы һәм йыйыусы” тигән күргәҙмә  менән таныштырҙы. Олатаһы хаҡында матур иҫтәлектәре менән бүлеште. Бүләсәре Нәйлә иһә олатаһының яратҡан йыры “Һандуғас”ты башҡарып, ҡунаҡтарҙы хайран итте. Күркәм сара түңәрәк өҫтәл артында ихлас әңгәмә, күтәренке кәйеф һәм  тәмле сәй табыны менән тамамланды.