Аделина Заһиҙуллина алтын миҙал яуланы

Аделина Заһиҙуллина Мәскәүҙә ҡатын-ҡыҙҙар араһында Бөтә Рәсәй ярыштарының беренсе этабы чемпионы булды, тип хәбәр иттеләр Башҡортостандың Спорт министрлығынан.

Турнирҙа көмөш һәм бронза миҙалдарҙы Курск спортсылары Виталина Анащенкова менән Полина Козаева бүлеште.

Гран-при серияһының икенсе этабы февраль аҙағында Мәскәү өлкәһенең Химки ҡалаһында ойошторола.

Бынан алдараҡ Башҡортостан мотоуҙышсыларының Рәсәй кубогының 2-се этабында икенсе урын алыуҙы хаҡында хәбәр иткәйнек.

Сығанаҡ: "Башинформ".