+24 °С
Дождь
Һуңғы яңылыҡтар
20 Января 2025, 06:04
Ирекмән ҡыҙ күптәргә үрнәк
Дүртөйлө районы Әсән ауылынан 17 йәшлек Диана Ғазина тик “бишле” билдәләренә генә уҡый. Яҡшы өлгәшеүҙән тыш, изге күңелле ҡыҙ – Шайморатов исемендәге штабтың ирекмәне лә. Ул аҙна һайын улы МХО-ла һәләк булған ауылдашы Фәһимә Шәйхуллинаға өй эштәрендә ярҙамлашып, ашарға бешереп, ауыр ҡайғы кисергән әсәгә күңел йылыһын бүләк итә.
Был хаҡта республика Башлығы үҙенең телеграм-каналында хәбәр итә. Радий Хәбиров Дианаға ихласлығы һәм яҡшылығы өсөн, ә уның ата-әсәһенә шундай игелекле ҡыҙ үҫтергәндәренә оло рәхмәтен белдереп яҙа.
Диана үҙе күп балалы ғаиләнән: уның ағаһы һәм апаһы бар. Әлеге мәлдә ағаһы менән атаһы – махсус хәрби операцияла. Әсәһе – башланғыс синыфтар уҡытыусыһы.
Ирекмән ҡыҙ күптәргә үрнәк
